Kryetari i Komisionit për Punë të Jashtme dhe Diasporë, Haki Abazi, ka reaguar sot lidhur me çështjen e mosliberalizimit të vizave për Kosovën.
Përmes një postimi në Twitter, Abazi ka thënë se nëse qytetarët e Kosovës nuk mund të lëvizin lirshëm atëherë do të ishte edhe një vit në burg kolektiv.
“Nuk pranohet lidhja e regjimit pa viza për Kosovën me ETIAS i cili nuk është i zbatueshëm në vendet që tashmë prej shumë vitesh gëzojnë të drejtën për udhëtim pa viza. Edhe një vit diskriminim dhe burg kolektiv për qytetarët”, ka shkruar ai.
Në bazë të burimeve diplomatike të REL, sot është raportuar se vendet anëtare të BE-së në takimin e grupit punues për vizat kanë përafruar qëndrimet rreth një kompromisi.
Sipas të cilit do të miratohej vendimi për liberalizimin e vizave për Kosovën, që do të hynte në fuqi më 1 nëntor 2023, kur do të nisë zbatimi edhe i sistemit Evropian të informimit dhe autorizimit të udhëtimit (ETIAS).
Njoftimi:
It’s not acceptable to connect visa free regime for ????????with ETIAS which is not applicable in countries who already for many years enjoy the right for visa free travel. One more year of discrimination and collective prison for ???????? citzens. ????— Haki Abazi (@AbaziHaki) November 10, 2022
