La liga spanjolle ka ndryshuar orarin për xhiron e fundit të stinorit 2020/2021.
Java e 38-të në elitën e futbollit spanjoll nuk do të zhvillohet në të njëjtin orar siç është pritur , po ashtu edhe as në të njëjtën ditë.
Takimet e fundit të këtij edicioni do të zhvillohen në ditën e premte, shtune dhe diele.
Të premten fillon xhiroja e fundit me përballjen Levante – Cadiz.
Të shtunën luhen shtatë ndeshje në të njëjtin orar, ku do bëhet i ditur kampioni, skuadrat që do marrin pjesë në garat evropiane dhe ato që do bien nga liga.
Të dielën mbyllet sezoni në Spanjë me dy ballafaqime, Granada kundër Getafes dhe Sevilla ndaj Alavesit, transmeton Sinjali Sport.
