Dy njerëz kanë mbetur të vrarë në Poloni pasi që dy raketa kanë rënë në afërsi të kufirit me Ukrainën.
Siç shkruan Express.co.uk, nuk është e konfirmuar ende nëse raketet që kanë rënë në shtetin anëtar të NATO-s, janë si rezultat i bombardimeve masive ruse në qytetet ukrainase.
Në anën tjetër, kryeministri i Polonisë, Mateusz Morawiecki, ka mbledhur Këshillin e Ministrave për Siguri Kombëtare dhe Çështje të Mbrojtjes me urgjencë të lartë.
Kështu ka konfirmuar zëdhënësi i qeverisë, Piotr Muller ndërkohë që mediat lokale kanë raportuar se kjo thirrje urgjente duhet të jetë si rezultat i shpërthimeve.
Raketat kanë rënë në qytetin Przewodow, duke goditur tharëset e drithërave.
Policia, zyra e prokurorit dhe ushtria tashmë janë në vendngjarje.
Sipas raportimeve, Forcat e Armatosura Polake janë në gatishmëri të lartë.
Edhe analisti i gjeopolitikës dhe komentatori i ngjarjeve politike, Samuel Ramani ka shkruar se raketat ruse që kishte qëllim një cak brenda Ukrainës, kanë përfunduar në Poloni.
Ramani ka thënë se kjo raketë ka vrarë dy njerëz.
