Pas dorëheqjes së asamblistëve të Listës Serbe në fillim të muajit nëntor, nga Kuvendi Komunal në veri të Mitrovicës, të mërkurën u betuan asamblistë të rinj të cilët do të vijnë nga Iniciativa Qytetare.
Gazetarja e Telegrafit, Elfije Boletini raporton se 14 asamblistët e rinj tashmë kanë dhënë betimin.
Telegrafi po ashtu ka siguruar emrat e 14 asamblistëve të rinj nga “Iniciativa Qytetare” , të cilët do t’i zëvendësojnë ish asamblistët e Listës serbe në Kuvendin Komunal në Mitrovicën veriore.
Në mesin e asamblistëve është edhe Dushan Millunoviq, nga GI SO.
Ndryshe, asamblistët e partisë Lista Serbe kanë hequr dorë nga pozita në fillim të muajit nëntor, në kundërshtim të vendimit për ri regjistrimin e targave të veturave.
