Një sistem raketor Patriot mund të ketë nevojë për deri në 90 trupa për ta operuar dhe mirëmbajtur atë, dhe për muaj të tërë SHBA-ja hezitonte të siguronte sistemin kompleks, sepse dërgimi i forcave në Ukrainë për ta operuar atë nuk është nismë për administratën e presidentit Joe Biden.
Megjithatë, shqetësimet mbesin se edhe pa praninë e ushtarakëve amerikanë për të trajnuar ukrainasit se si të përdorin sistemin, vendosja e raketave mund ta provokojë Rusinë ose të rrezikojë që një predhë e shkrepur të përfundojë duke goditur brenda Rusisë, duke e përshkallëzuar më tej konfliktin.
Ministria e Jashtme e Rusisë ka paralajmëruar se nëse Shtetet e Bashkuara konfirmojnë raportet se planifikojnë të dërgojnë raketa të sofistikuara të mbrojtjes ajrore në Ukrainë, do të ishte “një veprim tjetër provokues nga SHBA-ja” dhe se kjo mund të rezultojë me përgjigje nga Moska.
Zëdhënësja e Ministrisë, Maria Zakharova, gjatë një konference ka thënë se “SHBA-ja është bërë efektivisht një palë” në luftën në Ukrainë, pas raporteve se do t’ia sigurojë Kievit raketat Patriot, më të avancuarat që Perëndimi ka ofruar deri më tani për të ndihmuar ushtrinë e Ukrainës të zmbrapsë sulmet ajrore ruse.
Zakharova ka shtuar se shumat në rritje të ndihmës ushtarake të SHBA-së, duke përfshirë transferimin e armëve të tilla të sofistikuara, “do të nënkuptonte përfshirje edhe më të gjerë të personelit ushtarak në armiqësi dhe mund të sjellë pasoja të mundshme”. Ajo nuk specifikoi se cilat mund të jenë pasojat.
Zyrtarët amerikanë kanë deklaruar se Washingtoni ishte gati të miratonte dërgimin e sistemit raketor Patriot në Ukrainë, duke rënë dakord më në fund me një kërkesë urgjente nga liderët ukrainas të dëshpëruar për armë më të fuqishme për t’i rrëzuar raketat ruse që kanë dëmtuar pjesën më të madhe të infrastrukturës jetike të vendit. Së shpejti pritet një njoftim zyrtar.
Një sistem raketor Patriot mund të ketë nevojë për deri në 90 trupa për ta operuar dhe mirëmbajtur atë, dhe për muaj të tërë SHBA-ja hezitonte të siguronte sistemin kompleks, sepse dërgimi i forcave në Ukrainë për ta operuar atë nuk është nismë për administratën e presidentit Joe Biden.
Megjithatë, shqetësimet mbesin se edhe pa praninë e ushtarakëve amerikanë për të trajnuar ukrainasit se si të përdorin sistemin, vendosja e raketave mund të provokojë Rusinë ose të rrezikojë që një predhë e shkrepur të përfundojë duke goditur brenda Rusisë, duke e përshkallëzuar më tej konfliktin.
Edhe përpara se të dilnin raporte për shpërndarjen e sistemeve Patriot, Dmitry Medvedev, nënkryetar i Këshillit të Sigurimit të Rusisë i cili kryesohet nga presidenti Vladimir Putin, ka paralajmëruar se nëse Patriotët hyjnë në Ukrainë “së bashku me personelin e NATO-s, ata do të bëhen menjëherë objektiv legjitim për forcat tona të armatosura”.
I pyetur nëse Kremlini e mbështet atë kërcënim, zëdhënësi i Kremlinit, Dmitry Peskov, u përgjigj po, por shtoi në një telefonatë me gazetarët se do të përmbahej nga komentet më të detajuara derisa SHBA-ja të shpallë zyrtarisht dërgimin e Patriotit në Ukrainë.
Ukraina deri më tani ka qenë e kujdesshme në reagimin ndaj raporteve. Hanna Maliar, zëvendësministre e Mbrojtjes e Ukrainës, u ka thënë gazetarëve në Kiev se shpërndarja e armatimit si Patriotët mbetet “e ndjeshme jo vetëm për Ukrainën, por edhe për partnerët” dhe se vetëm presidenti Volodymyr Zelensky ose ministri i Mbrojtjes, Oleksiy Reznikov, mund ta japin njoftimin zyrtar për një marrëveshje të tillë.
Udhëheqësit e Shtëpisë së Bardhë dhe të Pentagonit kanë thënë vazhdimisht se sigurimi i Ukrainës me mbrojtje ajrore shtesë është prioritet dhe raketat Patriot kanë qenë në shqyrtim prej disa kohësh. Zyrtarët thanë se me mbylljen e dimrit dhe përshkallëzimin e bombardimeve ruse të infrastrukturës civile, ky shqyrtim mori prioritet në rritje.
Ofruesi i energjisë elektrike i Ukrainës ka njoftuar se sistemi energjetik i vendit po vuante një “deficit të konsiderueshëm të energjisë elektrike” dhe se mbylljet emergjente ishin zbatuar në disa zona të vendit pasi temperaturat lëvizin rreth ose nën zero.
Operatori shtetëror i rrjetit, Ukrenergo, paralajmëroi në një deklaratë në Facebook se dëmet e shkaktuara në infrastrukturën energjetike nga sulmet ruse janë duke u shtuar nga kushtet e vështira të motit, duke përfshirë borën, akullin dhe erërat e forta.
