Një person në Ferizaj është arrestuar për dhunë në familje.
Kështu ka njoftuar Policia e Kosovës përmes një njoftimi në Facebook.
Informacionin Policia e ka marrë të martën në ora 10:30.
“Në lidhje me këtë, policët hetues të Njësisë së Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin SH.A (M/K) i moshës 22 vjeçar, i cili shkak i mosmarrëveshjeve të vazhdueshme, kishte shkaktuar dhunë psiçike ndaj bashkëshortes së tij A.A ( F/K) e moshës 19 vjeçare”, thuhet në njoftim.
“Policia të dyshuarin e ka shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, dërgohet në mbajtje për 48 orë për procedura të mëtejme hetimore, ndërsa rasti është cilësuar ” Dhunë në familje”, përmbyllet njoftimi.
