Deputeti i Lidhjes Demokratike të Kosovës, Avdullah Hoti, i ka thënë qeverisë e presidencës se “ju nuk jeni për asgjë”.
Ai iu drejtua krerëve të këtyre dy institucioneve, presidentes Vjosa Osmani e kryeministrit Albin Kurti se ata nuk dinë të mbajnë shtet, por vetëm të shajnë.
“Shani edhe gjyqësorin e prokurorinë sa të mundeni, shpallini tradhëtarë. Por të arrestuarit nuk ishit në gjendje t’i ofronit ndihmën e nevojshme mjekësore dhe ta sillnit në objektin e paraburgimit”, ka shkruar Hoti.
Tutje, Hoti tha se barrikadat në veri i largojnë të huajt, ndërsa qeveria e presidenca mbajnë konferenca për media në Prishtinë e fjalime përpara Forcës së Sigurisë së Kosovës.
