Ushtria Australiane është ‘e dobët’, ‘e parëndësishme’ dhe do të jetë ‘goditja e parë’ në çdo konflikt të mundshëm mbi Tajvanin, kanë paralajmëruar propagandistët kinezë.
Mesazhi tronditës në zëdhënësin e Partisë Komuniste, Global Times, vjen ndërsa forcat detare Australiane përfunduan stërvitjet e luftës me SHBA-të, Francën dhe Japoninë të zhvilluara midis 11 dhe 17 maj në Detin e Kinës Lindore. Stërvitja e parë midis katër kombeve e quajtur Ushtrimi Jeanne d’Arc 21 – ose ARC21 – praktikoi sulme amfibësh, luftë urbane dhe mbrojtje anti-ajrore – dhe u prit me zemërim nga Pekini.
“Ushtria Çlirimtare e Popullit nuk ka nevojë as të bëjë përgjigje të theksuara në stërvitjen e përbashkët pasi që është e parëndësishme ushtarakisht,” tha artikulli.
“Ushtria Australiane është shumë e dobët për të qenë një kundërshtar i denjë i Kinës dhe nëse guxon të ndërhyjë në një konflikt ushtarak për shembull në ngushticat e Tajvanit, forcat e saj do të jenë ndër të parat që do të goditen. Australia nuk duhet të mendojë se mund t’i fshihet Kinës nëse provokon. Australia është brenda rrezes së raketës balistike me rreze të ndërmjetme DF-26 të pajisur me koka luftarake të Kinës”, thuhet tutje.
Gjatë vitit të kaluar Kina ka goditur më shumë se 20 miliard dollarë ndalime arbitrare tregtare dhe tarifa mbi eksportet Australiane si një ndëshkim i dukshëm për thirrjen për një hetim të pavarur mbi origjinën e pandemisë Covid-19 – e cila u shfaq për herë të parë në Wuhan në 2019.
Tensionet u tensionuan më tej muajin e kaluar kur figura të ndryshme duke përfshirë të tilla si Ministri i Mbrojtjes Peter Dutton, Ish Ministri i Mbrojtjes Christopher Pyne dhe sekretari i Punëve të Brendshme Michael Pezzullo, të gjithë sugjeruan që ‘daullet e luftës’ në rajon po bëhen më të larta.
