Njohësi i zhvillimeve politike në Ballkanin Perëndimor, Florian Bieber, i ka reaguar deputetes majtiste gjermane Zaklin Nastiç për deklaratat skandaloze rreth Republikës së Kosovës.
Bieber ka pyetur se pse e majta gjermane duhet të jetë në një linjë me politikën e jashtme të Rusisë?
“Pse e majta është në linjën e Putinit sa i përket politikës së jashtme. “ krijim ilegal i fuçisë së barutit” është deklarata injorante, arrogante dhe e gabuar. Ju s’mund të bëni politikë të jashtme me një gjë të tillë. Partnerët e koalicionit janë AFD dhe FPÖ për një linjë të tillë”, ka shkruar Bieber.
Deputetes gjermane i ka reaguar edhe gazetari gjerman, Michael Martens. Ai i ka kërkuar argumente për deklaratat e saj rreth Kosovës.
