Policia e Kosovës ka arrestuar një person, i cili kishte vjedhur 63 drita solare në lagjen Jusuf Gërvalla në Prishtinë.
Rastin në polici e ka lajmëruar personi i dëmtuar, dhe i dyshuari me vendim të prokurorit është dërguar në mbajtje.
“Rr. Jusuf Gërvalla, Prishtinë 28.02.2023-09:30. Është arrestuar i dyshuari mashkull kosovar, pasi që i njëjti me datën e lart-cekur i ka vjedhur ankuesit mashkull kosovar 63 copë drita solare. Pas intervistimit i dyshuari me vendim të prokurorit është dërguar në mbajtje”, thuhet në raportin 24 orësh të Policisë.
