Kryetari i Komunës së Kamenicës, Kadri Rahimaj, ka thënë se qëllimi i Qeverisë së Kosovës për marrjen e mjeteve të pashfrytëzuara nga komunat është që këto të fundit ta bëjnë shfrytëzimin e mjeteve financiare në mënyrë më efikase.
Në emisionin Info Magazine në Klan Kosova, ai ka shtuar se të vetmin gabim që e ka bërë qeveria është fakti se nuk i ka njoftuar komunat me kohë për marrjen e këtyre mjeteve.
“Kjo iniciativë e qeverisë unë besoj se e ka pasur këtë qëllim që komunat të jenë më efikase në raport me shpenzimin e të hyrave që ato i realizojnë”.
“Kjo ka të bëje me shtimin e efikasitetit të secilës komunë veç e veç sepse shumë komunat grumbullojnë mjete të mëdha dhe nuk arrijnë t’i shpenzojnë apo i shpenzojnë për fushata zgjedhore”.
Sipas tij, komunat nuk po arrijnë t’i shpenzojnë mjetet që i marrim nga qeveria, ndërsa po bwjnw një lloj zhurme për mjete që nuk po mundemi t’i shfrytëzojnë.
“Të vetmin lëshim që mund ta quaj të qeverisë ka qenë mungesa e njoftimit paraprak ndaj komunave. Nëse qeveria do ta bënte paralajmërimin paraprak, atëherë komunat do ta bënin më mirë shpenzimin e mjeteve të tyre”.
