Ish-këshilltari i kryeministrit Albin Kurti dhe komentatori i çështjeve politike, Shkëlzen Gashi, ka reaguar pas vendosjes së sanksioneve të para të Shteteve të Bashkuara të Amerikës ndaj Kosovës pas zhvillimeve të fundit në vend.
Përmes një postimi në rrjetin social Facebook, Gashi ka thënë se Amerika po thotë që veriu i Kosovës i takon huliganëve të Serbisë.
Sipas tij, për të futur Serbinë nën kontrollin e SHBA-së, këta të fundit duhet t’i japin diçka asaj.
“Pra, Amerika po thotë që veriu i Kosovës i takon huliganëve të Aleksandar Vučić-it sepse për me mujtë me futë Sërbinë nën kontrollin tonë, na duhet t’i japim asaj diçka – veriun e Kosovës. Ne duhet t’i kallxojmë Amerikës që i jemi mirënjohës për ndihmën, por veriun e Kosovës nuk ia japim Sërbisë së Vučić-it”, shkroi Gashi.
Pra, Amerika po thotë që veriu i Kosovës i takon huliganëve të Aleksandar Vučić-it sepse për me mujtë me futë Sërbinë…
Kujtojmë që gjatë takimit të sotëm të gazetarëve dhe ambasadorit të Shteteve të Bashkuara të Amerikës, Jeff Hovenier, ky i fundit ka shprehur kritika të mëdha në drejtim të Qeverisë së Kosovës.
Hovenier ka konfirmuar sanksionimin ndaj Kosovës, duke thënë se përjashtimi nga stërvitjet ‘Defender Europe 2023’, është pasoja e parë për vendin tonë.
Ai ka thënë se SHBA-ja po mendon edhe për vendime të tjera që do të marrë në këtë drejtim.
