Të premten në mbrëmje është arrestuar një person në Lipjan, pasi që dyshohet se i njëjti ka rrahur bashkëshorten e tij dhe ia ka marrë foshnjën shtatëmuajshe.
Sipas raportit 24-orësh të Policisë, viktima ka pranuar trajtim mjekësor.
“Lipjan 07.07.2023-22:00. Është arrestuar i dyshuari mashkull kosovar nën dyshimin se i njëjti e ka sulmuar fizikisht bashkëshorten e tij, viktimën femër kosovare dhe ia kanë marr fëmijën shtatë muajsh viktimës. Viktima ka pranuar tretman mjekësor, me vendim të prokurorit fëmija i është kthyer viktimës ndërsa i dyshuari është dërguar në mbajtje”, thuhet në raport.
