Sot i jepet lamtumira e fundit 56-vjeçarit, Sami Morina, nga Mitrovica, i cili është gjetur pa shenja jete në rrugën ‘UÇK’.
I ndjeri humbi jetën në rrethana të dyshimta, teksa Policia ka nisur hetimet që ndihmojnë në zbardhjen e rrethanave të rastit.
Në njoftimin mortor, bëhet e ditur se varrimi i të ndjerit do të kryhet në varrezat e Morinve në fshatin Shipol të Mitrovicës, në ora 16:38.
Për këtë rast, burimet e Gazetës Sinjali brenda Emergjencës bën me dije se në vendin e ngjarjes kanë hasur në trupin e viktimës, ku pas ekzaminimeve për shenjat vitale mjeku ka konstatuar se ai ka ndërruar jetë, teksa shtuan se i ndjeri kishte shenja dhune dhe në vendngjarje janë vërejtur njolla gjaku.
Rastin e rëndë e ka konfirmuar edhe zëdhënësi i Policisë së Kosovës për Rajonin e Mitrovicës, Avni Zahiti, i cili tha se hetuesit policorë me autorizim të prokurorit kanë nisur hetimet për rastin.
Me urdhër të prokurorit, rasti është cilësuar ‘Hetim i vdekjes’, ndërsa trupi i pajetë i viktimës është dërguar në Institutin e Mjekësisë Ligjore për obduksion.
