Dioqeza e Rashkës ka dalë me një njoftim të ri pasi në Manastirin e Banjaskës është gjetur armatim, të dielën.
Aty thuhet se Peshkopi Teodosije ka vizituar manastirin e Banjskës një ditë pas sulmit terrorist në Veri, të cilin Dioqeza e Rashkës e cilëson si “konflikt të armatosur”.
E për armët e gjetura nga policia brenda manastirit, pretendohet se armët janë gjetur në oborr, duke aluduar se individët të grupit të armatosur i kanë hedhur ato gjatë tërheqjes së të dielës.
”Në dy zona të oborrit të manastirit u zbuluan armë zjarri, parzmore dhe pajisje. Këto sende u hodhën nga personat e armatosur gjatë tërheqjes së djeshme nga manastiri”, thuhet në njoftim.
Po ashtu Dioqeza shpreh ngushëllime për familjet e të gjithë viktimave, duke përfshirë edhe për sulmuesit.
”Ipeshkvi, në emër të Dioqezës, shprehu ngushëllimet për familjet e të gjithë atyre që humbën jetën në konfliktin e armatosur të djeshëm”, thuhet në njoftim.
Më tutje, gjatë takimit është diskutuar edhe për paqe, ku kërkohet mobilizim me KFOR-in, EULEX-in e vendet e QUIN-it.
Si pasojë e sulmit të së dielës një polic i Kosovës është vrarë, një ditë më pas Afrim Bunjaku mori gradën e heroit të Kosovës, dhënë nga presidentja e vendit, Vjosa Osmani.
Press Release from the Diocese of Raška-Prizren:
Bishop Teodosije Visits Banjska #Monastery in Wake of Yesterday's Armed Conflicthttps://t.co/JfnAHEh4kJ
This afternoon, Bishop Teodosije visited the Banjska Monastery, where Abbot Danilo informed him about the events that took… pic.twitter.com/SNtX4LO1fa— Dečani Monastery (@DecaniMonastery) September 25, 2023
