“Faza e ardhshme është duke ardhur”, u ka thënë kryeministri i Izraelit, Benjamin Netanyahu, ushtarëve të tij, të shtunën gjatë ditës, duke dhënë paralajmërimin e ri për ndërhyrje tokësore në Gaza.
Lideri po fliste nga Izraeli jugor, sipas videos së postuar në Twitter nga zyra e tij.
Jemi të gjithë gati”, ka shkruar ai në rrjete sociale.
Të shtunën, Izraeli u ka dhënë afat deri në orën 16:00 civilëve palestinezë që të largohen nga qyteti i Gazës drejt pjesës jugore të Rripit. Tashmë afati ka përfunduar.
Lufta në Lindjen e Mesme shpërtheu javën e shkuar pasi grupi militant palestinez Hamas nisi ofensivë ndaj Izraelit. Izraeli u kundërpërgjigj menjëherë me sulme të ashpra. Deri tash kanë humbur jetën mijëra qytetarë nga dy krahët.
