Opinionisti Vehbi Kajtazi tha se Kosova është në prag të një konflikti të armatosur me Serbinë.
“Kemi pasur sulm terrorist të sponsorizuar nga Serbia, të ardhur nga territori i Serbisë, të pajisur me armë ushtarake të Serbisë, dhe tash kur jemi në prag të një konflikti, natyrisht që nuk diskutohet më për detaje të një marrëveshje siç është Asociacioni”, deklaroi Kajtazi.
Pos kësaj ai në emisionin Rubikon me Adriatik Kelmendin tha se për Perëndimin më e rëndësishme është që ta mbyllë konfliktin se sa t’i ofrojë Kosovës draft statut të pranueshëm për Kushtetutën e Kosovës.
