Në komentet e tij të para që nga fillimi i luftës më 7 tetor, udhëheqësi i Hamasit në Rripin e Gazës, Yahya Sinwar, ka ofruar lirimin e të gjithë pengjeve që mbahen në Gaza.
Por, këtë e ka ofruar në këmbim të lirimit të të gjithë të burgosurve të Hamasit në burgjet izraelite.
“Ne jemi gati për një marrëveshje shkëmbimi të menjëhershëm që përfshin lirimin e të gjithë të burgosurve në burgjet e armikut sionist në këmbim të lirimit të të gjithë të burgosurve me rezistencën”, tha Sinwar në një deklaratë në faqen zyrtare të grupit.
