Sa më shumë kalojnë minutat, aq më shumë shtohen emocionet. Shqipëria pret sonte në shtëpi Ishujt Faroe, në një sfidë që do të kthehet në festë, për shkakun se djemtë e Sylvinhos kanë siguruar një biletë për në Europian.
Ndërkohë që është zbuluar edhe programi festiv i mbrëmjes së sotme. Gjithçka nis në orën 17:45 kur bëhet futja e tifozëve në stadium, duke vijuar më pas me koreografinë para ndeshjes.
Në stadium për kombëtaren, tifozët dhe të gjithë shqiptarët do të performojë Ansambli i Këngëve dhe Valleve, teksa pas ndeshjes do të këndojë Juliana Pasha.
