Luana ka qëndruar larg muzikës për një kohë të gjatë për shkak të angazhimeve profesionale me emisionin “Shiko kush luan”.
Por tani ajo po bëhet gati për këngën e re dhe xhirimet kanë nisur.
Së bashku me ekipin e saj, bukuroshja u shfaq më herët duke punuar buzë detit. U zbulua po ashtu se pjesë e performancës do jenë dy balerinë të njohur dhe ky detaj ka nxitur dhe më shumë kureshtjen e fansave. Në llogarinë e saj në Instagram, moderatorja ndau një foto ku u shfaq e veshur me të bardha si një zanë magjike, teksa zbuloi për fansat titullin e këngës së saj të re.
“1 Mijë Vjet” do të titullohet projekti të cilin ajo po e punon me shumë përkushtim e dashuri.
Së fundmi, ajo ka zbuluar se po përgatit projektin e ëndrrave. Luana po punon që t’i bëjë ëndrrat realitet dhe siç duket po i arrin ato.
Nëpërmjet një postimi në InstaStory, moderatorja u shfaq duke punuar për disa xhirime në bregdet, por nuk dihet saktësisht për çfarë bëhet fjalë. Ne kemi dyshimet tona që kjo mund të jetë pjesë e klipit të këngës “1 Mijë Vjet” pasi edhe më herët kur na paralajmëroi për këtë projekt, ajo u shfaq buzë detit.
“Ëndrra po bëhet realitet”, shkroi Luana, duke i lënë fansat në pritje të projektit të saj të radhës.
