Familja Krasniqi nga fshati Drenoc i Malishevës po përballet me një ngjarje të rëndë, pasi fëmija i tyre, Diari, po vuan nga sëmundja e rëndë, Burkitt lymphoma. Për shërimin e vogëlushit, duhen 190 mijë euro, shumë kjo e papërballueshme për ta siguruar familja.
Përmes një lutje publike, është kërkuar nga njerëzit vullnetmirë t’i ndihmojnë për ta arritur këtë shumë të mjeteve, e cila ju duhet familjes për ta vazhduar trajtimin e djalit në Itali.
Ministria e Shëndetësisë i ka siguruar 60% të të hollave, por pjesa tjetër akoma nuk është grumbulluar.
“Diari ka nevojë per ndihmën e të gjithëve! – Diari vuan nga sëmundja (lymphoma burcit) dhe ai duhet të kërkoj shërim në Itali por nevojiten 190.000 euro, ku 60% të kësaj shume e ka siguruar ministria e shëndetësisë por nevojiten edhe diku 60.000 euro”
Të gjithë ata që kanë mundësi, mund të kontribuojnë përmes llogarisë me të dhënat e mëposhtme.
