Aftësi të forta drbiluese, teknikë e shkëlqyer dhe shpejtësi e çmendur – paketa e përgjithshme e Zhegrovës është thjesht fantastike, raporton Sinjali.
Anësori i Kombëtares së Kosovës ka bërë emër në futbollin evropian me paraqitjet të forta në muajt e fundit me klubin francez Lille.
Sipas raportimeve të mediave, klubet më të mira tashmë janë duke u rreshtuar për 24 vjeçarin kosovar.
Siç shkruan portali gjerman, “derwesten.de”, thuhet se skuadra e Dortmundit ka shtuar interesimin që t’i sigurojë shërbimet e ansorit të Kosovës.
Që Zhegrova të jetë në radhët e Dortmundit, klubi gjerman duhet të paguajë rreth 17 – 20 milionë euro. Vlera e tij në treg aktualisht është pak më pak se dhjetë milionë euro, por deri në merkaton e verës vlera e tij pritet të rritet.
Kujtojmë se Zhegrova në sezonin aktual ka shënuar 13 gola dhe padyshim se ai është një nga arsyet pse Lille është sërish në krye këtë vit.
