Ka vdekur reporteri i ESPN, Chris Mortensen.
Gazetari i cili mbuloi NFL për mbi 30 vjet, ishte 72-vjeçar.
Lajmin për vdekjen e tij e ka konfirmuar ESPN përmes një postimi në X (ish-Twitter).
“Ai e mbuloi NFL-në me aftësi dhe pasion të jashtëzakonshëm dhe ishte në krye të fushës së tij për dekada. Ai me të vërtetë do t’iu mungojë kolegëve dhe fansave. Zemrat dhe mendimet tona janë me të dashurit e tij”, thuhet në deklaratë.
Chris njoftoi në vitin 2016 se do të tërhiqej nga roli i tij në televizion pasi po luftonte me kancerin e fytit.
