Pjesëtari i FSK-së rrahet me tre persona në Podujevë, Policia nis hetimet

Pjesëtari i FSK-së rrahet me tre persona në Podujevë, Policia nis hetimet

Mbrëmë në rrugën “Zahir Pajaziti” në Podujevë, katër persona janë rrahur mes vete.

Sinjali mëson se njëri prej të dyshuarve është pjesëtar i FSK-së, një 22-vjeçar i cili bashkë me të dyshuarit e tjerë janë përleshur me njëri – tjetrin.

Konflikti verbal që eskaloi në sulm fizik fatmirësisht përfundoi me lëndime të lehta.

Pasi Policia ka intervenuar në vendin e ngjarjes, katër të dyshuarit janë shoqëruar në stacion policor, ku janë intervistuar lidhur me rasin.

Ndërkohë që lidhur me incidentin janë njoftuar edhe në FSK, për shkak të përfshirjes së pjesëtarit të dyshuar.

Pas përfundimit të procedurave policore, Prokurori i Shtetit ka urdhëruar inicimin e rastit ndaj tyre dhe ndërmarrjen e veprimeve të nevojshme ligjore.

Rastin e kanë konfirmuar edhe nga Policia Rajonale në Prishtinë.

Related Articles