Rusia ka nisur bombardimin e kufirit të rajonit të Harkivit, më 10 maj, dhe ka filluar një ofensivë tokësore në veri. Po zhvillohen beteja të ashpra dhe po kryhen bombardime të vazhdueshme. Kryekomandanti i forcave të armatosura të Ukrainës, Oleksandr Syrskiy, thotë se përpjekjet e trupave ruse për të thyer mbrojtjet ukrainase janë ndalur, por se situata është e vështirë. Luftimet po vazhdojnë në zonat në kufi me Federatën Ruse.
Banorët e Vovçanskut dhe të fshatrave të afërta po përpiqen të largohen nga zona, vetëm ose me ndihmën e vullnetarëve dhe të policisë. Më herët, qyteti i Vovçanskut ishte pushtuar nga trupat ruse, por në vjeshtën e vitit 2022 forcat ukrainase e çliruan rajonin. Tani, forcat ruse po përpiqen ta pushtojnë sërish qytezën ukrainase./REL
Bombardime të vazhdueshme mund të dëgjohen në qytezën e Vovçanskut dhe shumë banorë po përpiqen të ikin sa më parë. Ata thonë se kanë frikë jo vetëm nga bombardimet, por edhe nga ripushtimi prej ushtarëve rusë.Evakuimi i baniorëve nga Vovçansku dhe fshatrat e afërta, në rajonin e Harkivit, më 12 maj.Jo të gjithë banorët po nguten për t’u larguar. Marusya, banore e Vovçanskut, ka vendosur të qëndrojë, pavarësisht avancimit të ushtrisë së Rusisë.
“S’kam ku të shkoj, dhe s’kam askënd që të më presë”, tha ajo.Një grua e moshuar duke qarë para evakuimit nga qyteza. “Çfarë po bëjnë ata?”, pyeti ajo, teksa zhurma e artilerisë dëgjohej në largësi.E moshuara ukrainase duke hipur në një automjet për evakuim.Alla dhe nëna e saj brenda një minibusi, në pritje për t’u evakuuar.
Alla tha se shpreson të kthehet në shtëpi sa më shpejt të jetë e mundur.Edhe kafshët shtëpiake, sikurse ky qen, prisnin të evakuoeshin nga Vovçansku.Dy ukrainase duke qarë para evakuimit.Kjo familje u evakuua nga fshati Sinelnikove, pranë Vovçanskut. Gruaja tha se i kanë mbijetuar pushtimit rus dhe i kujtojnë tmerret e tij. E brengosur për fëmijët e saj, ajo tha se ka vendosur të ikin nga shtëpia e tyre.Një grua duke qarë brenda një autobusi.
