Al-Nassr e ka humbur finalen e Kupës së Arabisë Saudite përballë Al-Hilal.
Triumfues në finale doli Al-Hilal, vetëm pas penalltive, me rezultatin pas 120 minutave që ishte i barabartë 1-1.
Mirëpo, më shumë se festa e Al-Hilal, në sy ra gjendja e Cristiano Ronaldos pas ndeshjes.
Portugezi 39-vjeçar nuk mund t’i ndalte lotët për asnjë sekond, derisa ai po merrte rrugën për në zhveshtore.
Ronaldo gjithashtu u kap nga kamerat në stadiumin duke u lutur dhe falur në të njëjtën kohë kur penalltitë po ekzekutoheshin.
Momenti i tij ka bërë xhiron e botës dhe po komentohet nga shumë tifozë në mbarë botën.
