Banorëve në shtetet e Gjermanisë jugore të Bavarisë dhe Baden Württemberg u është kërkuar të jenë të kujdesshëm, madje disa prej tyre janë evakuuar, mes stuhive të vazhdueshme.
Në Bavari është paralajmëruar për përmbytje dhe është shpallur gjendje e jashtëzakonshme, si pasojë e reshjeve të vazhdueshme.
“Ne po e marrim situatën shumë seriozisht”, tha administratori i qarkut, Hans Reichhart.
Një ndërtesë apartamentesh në Lindau të Bavarisë u evakuua mbrëmjen e së premtes si masë paraprake. Uji kishte hyrë në ndërtesë, tha një zëdhënëse e qytetit, duke rritur rrezikun e një qarku të shkurtër.
Banorët u futën me autobus në një sallë palestre ku do të qëndronin natën, shkruan DW, përcjell Gazeta Enigma.
Rreth 1,300 banorëve në rrethin e Liqenit të Konstancës në Baden Württemberg iu kërkua gjithashtu të largoheshin nga shtëpitë e tyre për shkak të rrezikut të përmbytjeve.
Zjarrfikësit u kanë bërë thirrje banorëve të shmangin zonat e bodrumit.
Dy zonat gjermane presin që stuhitë dhe përmbytjet e rrezikshme të vazhdojnë gjatë gjithë fundjavës, me mundësinë e lëvizjes veri-lindje brenda vendit. /Gazeta Enigma
