Presidenti ukrainas, Volodymr Zelensky, thotë se komunikata e nënshkruar nga më shumë se 80 vende në Samitin e Paqes në Zvicër të fundjavës së kaluar është ende e hapur për t’u bashkuar për më shumë nënshkrime.
Dokumenti, i lëshuar në fund të një konference paqeje të udhëhequr nga Ukraina në Burgenstock, mbështeti integritetin territorial të Ukrainës përballë pushtimit të Rusisë.
Rreth 100 vende morën pjesë në konferencë, por Rusia nuk u ftua dhe Kina e kundërshtoi ngjarjen. Pjesëmarrësit ishin kryesisht nga Evropa, ShBA-ja dhe aleatë të tjerë perëndimorë, por përfshinin vende nga Amerika Latine, Lindja e Mesme, Afrika dhe Azia.
Disa fuqi kryesore rajonale ishin midis atyre që nuk e nënshkruan komunikatën, duke përfshirë Brazilin, Indinë, Afrikën e Jugut dhe Arabinë Saudite.
Zelensky shtoi se dokumenti do të mbetet i hapur për nënshkrime dhe se ai ishte “i bindur se më shumë vende dhe organizata ndërkombëtare do të bashkohen”, shkruan Skynews
