Aleksandar Vuçiq tha se në kuadër të Samitit të Komunitetit Politik Evropian në Londër është takuar me një sërë udhëheqësish të rangut të lartë, si dhe ka pasur një bisedë të gjatë me presidentin francez Macron për Kosovën.
Vuçiq tha sot se gjatë Samitit të Komunitetit Politik Evropian ka pasur dhjetëra takime të gjata me liderët evropianë, si dhe se kohën më të gjatë e ka kaluar me presidentin francez Macron.
Vuçiq u tha gazetarëve në Londër se kishte një takim të rëndësishëm me Macron, ku u diskutua për të gjitha çështjet, nga gjeopolitika e deri te marrëdhëniet ekonomike dhe dypalëshe midis Serbisë, Francës dhe Kosovës.
“Ne presim Macron në Beograd në fund të gushtit, më së voni në fillim të shtatorit. Do të jetë një vizitë e madhe dhe e rëndësishme për ne”, tha Vuçiq.
Ai gjithashtu shtoi se i ka thënë edhe Macronit se ka një të metë sepse ata që nuk janë në BE nuk kanë pasur mundësi të aplikojnë për NATO.
“Ideja ishte që ne që nuk jemi në BE të vinim dhe të thoshim atë që mendojmë, kishim vetëm një panel për këtë dhe gjithçka dukej si NATO plus një samit – një takim ku të gjithë thonë ‘Ukraina duhet të fitojë’. Është mirë, por ka vende të tjera, nuk patëm mundësi të flasim”, tha Vuçiq.
Tutje u shpreh se edhe me Volodymyr Zelenskin ka biseduar për çështje dypalëshe, si dhe për situatën gjeopolitike.
