Demokratët kishin një kandidat të fuqishëm gjatë vitit 2020 kundër Donald Trumpit, kandidatit republikan për presidencialet e 2024.
Një nga mësimet e nxjerra ishte se kërkohet uniteti i partisë për ta mposhtur atë, tha një profesor i politikës amerikane.
Scott Lucas i Kolegjit Universitar të Dublinit, tha se procesi tashmë ka filluar, me Alexandria Ocasio-Cortez, një figurë e së majtës progresive, ndër të parat që ka mbështetur Kamala Harrisin, zëvendëspresidenten aktuale amerikane për postin e presidentit.
Profesori tha se projektimi i unitetit në vend është hapi tjetër, duke i përshkruar veprimet e kandidati republikan si kërcënuese, shkruan skynews.
“Ju duhet të përpiqeni të largoni mediat amerikane nga spektakli, nga cirku, ku Trump lulëzon dhe ju e merrni atë si të mirëqenë”, tha ai.
“Ju filloni me çështjen e të drejtave të grave, të të drejtave riprodhuese dhe unë mendoj se ju e futni më pas çështjen e kërcënimit të Trumpit ndaj demokracisë, siç përfaqësohet nga përpjekja e tij për të mbajtur pushtetin në vitin 2021”, pohoi Lucas.
“Pastaj, në krye të kësaj, këtu është vlera e shtuar e Harrisit – prokurore kundër një krimineli të dënuar, një prokuror kundër një njeriu që u përpoq të parandalonte transferimin e rregullt të pushtetit. Alternativa është të ‘vendosësh një njeri mbi ligjin”, tha ai.
Ndryshe, Harris është shumë pranë të bëhet kandidate për presidente nga radhët e demokratëve.
