Mijëra njerëz janë mbledhur në kryeqytetin iranian, Teheran, në një shërbim përkujtimor për liderin e vrarë të Hamasit, Ismail Haniyeh, nga një sulm izraelit.
Kufoma e Haniyeh është nisur nga Universiteti i Teheranit dhe do të shkojë drejt Sheshit Azadi.
Udhëheqësi suprem i Iranit Ayatollah Ali Khamenei ka kryer lutjet për Haniyeh dhe vendi ka shpallur tri ditë zie publike.
Shumë në turmë u panë duke valëvitur flamurin palestinez dhe iranian, si dhe flamurin e verdhë të grupit militant libanez Hezbollah.
Haniyeh do të varroset në kryeqytetin e Katarit, Doha, të premten, tha Hamasi. Para vrasjes së tij, Haniyeh kaloi shumicën e kohës në Doha, ku Hamasi kishte një zyrë politike. /Gazeta Enigma
