Kryeministri Albin Kurti ka shpërndarë fotografi nga pritja e mbrëmshme që iu bë sportistëve kosovarë që morën pjesë në Lojërat Olimpike “Paris 2024”, në Prishtinë.
Kurti tha se ishte një nder i vërtetë për të pritur ekipin olimpik në Kosovë dhe për të festuar fitoret e tyre në Paris.
“Ata sollën në shtëpi edhe dy medalje të tjera olimpike, duke e rritur në pesë numrin e përgjithshëm që Kosova ka fituar gjatë vetëm tre Lojërave Verore”, shkroi Kurti në një postim në X.
“Urime të gjithë sportistëve tanë dhe faleminderit që e keni bërë vendin tuaj krenar!”, u shpreh tutje ai.
Nga nëntë sportistë sa ishin pjesëmarrës, dy prej tyre – Distria Gjakova dhe Laura Fazliu – i sollën medalje Kosovës – një të argjendtë dhe një të bronztë, duke e çuar në pesë numrin total të medaljeve, tri prej të cilave janë të arta. /Gazeta Enigma
It was a true honor to welcome our Olympic team back to Kosova, and to celebrate their victories in Paris, at Prishtina's George Bush Square. They brought home two more Olympic medals, increasing to five the total number Kosova has won over the course of only three Summer Games.… pic.twitter.com/UFijAuOZYn— Albin Kurti (@albinkurti) August 7, 2024
