Sekretarja e Përgjithshme e PDK-së, Vlora Çitaku, ka thënë se kryeministri Albin Kurti, me pranimin e marrëveshjes së Ohrit, Asociacionin e Komunave me Shumicë Serbe e ka shndërruar në “autonomi territoriale politike”.
Në DPT Te Fidani në Klan Kosova, Çitaku ka thënë se më nuk mund të flasim për Asociacion.
“Nëse e lexoni marrëveshjen e Ohrit që e ka pranuar kryeministri Kurti, nuk bëhet fjalë më për Asociacion, por flasim për një autonomi territoriale dhe politike. Pra, nuk ka të bëjë kjo me asociacion. Mirëpo, në mënyrë të vazhdueshme, kryeministri Kurti e ka reduktuar idenë e sovranitetit në simbolika”, tha Çitaku.
