Drejtoria e Përgjithshme e Burgjeve në Shqipëri ka dalë me deklaratë pas raportimeve se një dron hodhi telefona dhe drogë brenda burgut të Peqinit.
Droni fluturoi në një lartësi prej 100-150 metrash në territorin e burgut, u pikas rreth orës 20:37 dhe për 1 minutë e 20 sekonda hodhi dy pako brenda ambienteve të burgut.
“Konfirmohet se u zbulua se një nga pakot përmbante dy aparate celularë, një iPhone 11 dhe një iPhone 11 Pro Max, si dhe tetë fisha për karikimin e telefonave. Në një tjetër pako u gjetën 380 gramë të dyshuar kanabis sativa, të ndara në doza të vogla nga 0.13-0.15 gramë, si dhe 33 doza të vogla me lëndë të dyshuar si kokainë, me një peshë totale prej 57.7 gramë.”
