Presidenti i Serbisë, Aleksandar Vuçiq, është takuar me komisionerin Evropian për Zgjerim, Oliver Varhely.
Vuçiq tha se Varhelyn e informoi për “situatën shqetësuese” në Kosovë, teksa bëri të ditur se i kërkoi angazhim më aktiv të institucioneve evropiane për popullin serb.
“Ritheksova se Serbia në thelb dhe teknikisht është e gatshme për hapa të rinj në drejtim të afërsisë dhe anëtarësimit në BE, veçanërisht kur bëhet fjalë për sundimin e ligjit, integrimin ekonomik dhe social dhe falënderova Komisionin Evropian për mbështetjen gjatë rrugës”, shkroi Vuçiq.
“Shfrytëzova rastin ta informoj komisionerin për situatën shqetësuese në Kosovë dhe kërkova angazhim më aktiv të institucioneve evropiane në mbrojtjen e të drejtave të popullit serb”, shtoi presidenti serb.
