Partia Demokratike e Kosovës shënon sot 25-vjetorin e themelimit.
Kryetari i kësaj partie, Memli Krasniqi ka bërë një postim rreth kësaj dite të rëndësishme për të dhe anëtarët e PDK-së.
“25 vjet PDK! 25 vjet krenari! 25 vjet punë! Bashkë, drejt 25 viteve të tjera plot përkushtim dhe ëndrra të reja për Kosovën. Gëzuar”, shkroi Krasniqi.
PDK-ja ka qenë faktor i madh përgjatë politikës së Kosovës pas luftës.
Njëri ndër themeluesit e saj, Hashim Thaçi, ka qenë pjesë e shumë vendimeve për Kosovën brenda dhe jashtë saj, për sa ka shërbyer si kryeministër e president. /Gazeta Enigma
