Kryeministri i Izraelit, Benjamin Netanyahu, njoftoi në një konferencë për shtyp se forcat izraelite kanë vrarë Yahya Sinwar, liderin e Hamasit.
Netanyahu e përshkroi këtë zhvillim si një “goditje të rëndë” ndaj armikut, por paralajmëroi se operacionet ushtarake nuk kanë përfunduar ende, shkruan Gazeta Enigma.
“Kjo është vetëm fillimi i fundit,” tha Netanyahu, duke theksuar se Izraeli do të vazhdojë luftën deri në përfundimin e saj. “Të gjithë ata që përpiqen të na dëmtojnë do të përballen me të njëjtin fat.”
Netanyahu vuri në dukje se lufta është ende në zhvillim dhe se, pavarësisht kostos së lartë, forcat e Izraelit nuk do të ndalen.
“Ne duhet të qëndrojmë elastik dhe të patundur në tokën tonë,” tha ai, duke apeluar për durim dhe qëndrueshmëri te populli izraelit.
Ai përfundoi me një deklaratë të fortë: “Nuk do ta ndalim luftën. Do të shkojmë në Rafah.”/GazetaEnigma/
