Kryetari i Aleancës për Ardhmërinë e Kosovës (AAK), Ramush Haradinaj, do të bëjë sot homazhe pranë shtatores së heroit Zahir Pajaziti në Prishtinë, në ora 10:00.
Ky nderim vjen në kujtim të 27-vjetorit të rënies së Pajazitit, i cili, më 31 tetor 1997, ra dëshmor në Pestovë të Vushtrrisë, së bashku me luftëtarët Edmond Hoxha dhe Hakif Zejnullahu, njofton Gazeta Enigma.
Haradinaj pritet të vlerësojë kontributin dhe sakrificën e heronjve të parë të UÇK-së për lirinë e Kosovës, në një akt përkujtimor që synon të ruajë gjallë kujtimin e tyre në ndërgjegjen kombëtare./GazetaEnigma/
