Deputeti i Partisë Demokratike të Kosovës, Mergim Lushtaku, e ka uruar Donald Trumpin për fitore në garën për president të Amerikës.
Përmes një postimi në profilin e tij në Facebook ka publikuar fotografi ku Donald Trump shihet me Hashim Thaçin dhe Kadri Veselin disa vjet më parë.
“Urime Amerikës për një tjetër fitore të demokracisë dhe Presidentit Donald Trump për besimin e ri të popullit amerikan! Ky moment historik është një mundësi për të thelluar partneritetin mes Kosovës dhe SHBA-ve, duke ndërtuar mbi miqësinë e fuqishme dhe përkushtimin për paqe e zhvillim. Të bashkuar për një të ardhme më të ndritur dhe për një botë më të drejtë”, ka shkruar Lushtaku. /Gazeta Enigma/
