Kryetari i LDK-së, Lumir Abdixhiku ka reaguar pas rezultateve pozitive të zgjedhjeve, të cilat paraqesin Donald Trump, si fitues të tyre.
Përmes një postimi në rrjetin social Facebook, Abdixhiku thotë se populli i Kosovës ka qenë gjithmonë i bekuar me lidhjen sa të veçantë aq dhe të pazëvendësueshme me Shtetet e Bashkuara të Amerikës.
Kreu i LDK-së është shprehur se pa Amerikën, ecja e Kosovës si shtet i ri e në konsolidim ndërkombëtar është e pamundur.
“Populli i Kosovës ka qenë gjithmonë i bekuar me lidhjen sa të veçantë aq dhe të pazëvendësueshme me Shtetet e Bashkuara të Amerikës – aleatin tonë strategjik të së shkuarës e të së ardhmes! Në emër të anëtarësisë së Lidhjes Demokratike të Kosovës, uroj Presidentin e 47-të të SHBA-ve, Donald J. Trump për fitoren presidenciale në zgjedhjet amerikane! Rikthimi i Kosovës në agjendën e Ëashingtonit është interes nacional i popullit të Kosovës. Pa SHBA-të ecja e Kosovës si shtet i ri e në konsolidim ndërkombëtar është e pamundur! Në Qeverinë e ardhshme, këto lidhje do të rikuperohen e mirëmbahen si orientime të pandryshueshme, të pathyeshme, të pazëvendësueshme! “Kosova, shtet i pavarur e sovran, i anëtarësuar në NATO e Bashkim Evropian, e me miqësi të përhershme me SHBA-të” – ishte misioni ynë dje, është misioni ynë sot, do të jetë misioni ynë nesër”, ka shkruar Abdixhiku. /Gazeta Enigma
Trump shumë pranë fitores, reagon Abdixhiku
