Anëtari i Kryesisë së Lidhjes Demokratike të Kosovës, Faton Bislimi u ka bërë thirrje ish-anëtarëve të LDK-së që tashmë janë në Listën ‘Guxo’të rikthehen në shtëpinë e tyre.
Ai në emisionin “dPt te Fidani” në T7 tha se arsyeja pse ata janë larguar ka qenë për shkak të lidershipit, ndërsa sot thotë se është një lidership tjetër.
“Arsyeja që ata janë larguar kanë qenë për shkak të lidershipit të LDK-së, ndërsa tash është ndërruar lidershipi. Do të ishte politikisht korrekte që të gjithë ata përkrahës të rikthehen në LDK, në shtëpinë e tyre”, tha Bislimi.
Ai madje thotë se rikthimi i tyre do të ishte gjëja më korrekte që do të duhej të ndodhte në këto zgjedhje.
“Do të ishte gjëja më korrekte që do të duhej të ndodhte në këto zgjedhje”, shtoi Bislimi./Gazeta Enigma/
