Presidenti i Turqisë, Recep Tayyip Erdogan, është shprehur se Siria nuk do të ndahet më.
Turqia ka strehuar miliona refugjatë sirianë gjatë luftës së saj civile dhe ka mbështetur disa grupe të armatosura që veprojnë në vend.
Erdogan ka thënë se vendi i tij do të qëndrojë kundër çdo sulmi mbi “integritetin e tokave të Sirisë”.
“Që tani e tutje, ne nuk mund të lejojmë që Siria të ndahet përsëri. Çdo sulm ndaj lirisë së popullit sirian, stabilitetit të administratës së re dhe integritetit të tokave të saj do të na gjejë ne duke qëndruar kundër saj”, shtoi ai.
Deklaratat e tij vijnë pasi Ministria e Jashtme turke më herët denoncoi Forcat e Mbrojtjes të Izraelit për hyrjen në një zonë të demilitarizuar që ndan lartësitë Golan të pushtuara nga Izraeli.
“Kur u shfaq mundësia për të arritur paqen dhe stabilitetin që populli sirian ka dëshiruar për shumë vite, Izraeli po shfaq edhe një herë mentalitetin e tij pushtues”, tha ministria në një deklaratë, duke përsëritur mbështetjen për “integritetin territorial” të Sirisë.
Izraeli ka thënë se ka hyrë në zonën e patrulluar nga OKB-ja për arsye sigurie, shkruan BBC, transmeton Gazeta Enigma.
