Një 20-vjeçar është arrestuar për vjedhje të rëndë në Ferizaj.
Ngjarja ka ndodhur më 24 dhjetor, rreth orës 01:45, në rrugën “Ilir Konushevci”, ku është vjedhur një pistoletë, 21 fishekë dhe disa sende personale nga një veturë Mercedes, shkruan Gazeta Enigma.
Pas hetimeve dhe analizimit të kamerave të sigurisë, dje në mbrëmje, rreth orës 19:00, policia arrestoi të dyshuarin me inicialet E.P. në banesën e tij.
Gjatë kontrollit u gjetën fishekët dhe disa sende që i përkisnin viktimës.
“I dyshuari E.P. është intervistuar në prani të avokatit mbrojtës, dyshohet edhe për disa vepra të tjera dhe me vendim të prokurorit është ndaluar për 48 orë për procedura të mëtejshme hetimore”, thuhet tutje në raportin e policisë./GazetaEnigma/
