Ambasadori i Bashkimit Evropian në Kosovë, Aivo Orav, së fundmi ka thënë se qeveria re e Kosovës duhet të përmbushë pritshmëritë e popullit, i cili aspiron t’i bashkohet BE-së.
“Për ta arritur këtë, qeveria e re duhet të punojë shumë, shumë aktivisht. Detyrat e vështira duhet të kryhen. Reformat duhet të realizohen”, ka thënë Orav për “Associated Press”, thuhet në një postim në X të Zyrës së BE-së.
Komisioni Qendror i Zgjedhjeve ka numëruar 99.57 për qind të votave, sipas të cilave vazhdon të prijë Lëvizja Vetëvendosje me 40.86 për qind ose 340 mijë 541 vota.
Partia Demokratike e Kosovës (PDK) renditet e dyta me 22.04 për qind.
Lidhja Demokratike e Kosovës (LDK) e treta me 17.62 për qind. AAK-NISMA-Konservatorët-Intelektualët-Ideal renditet subjekti i katërt me 7.45 për qind.
Më 9 shkurt qytetarët e Kosovës votuan për të zgjedhur përfaqësuesit e tyre për katër vitet e ardhshme. /Gazeta Enigma
The EU Ambassador in #Kosovo @AivoOrav told @AP that the new government should meet the expectations of the people, who aspire to join the EU.
"To get that, the new government has to work very, very actively. Hard homework is needed to be done. Reforms have to be done." https://t.co/sv3ppe4I22— European Union in Kosovo (@EUKosovo) February 11, 2025
