Kryetari i Partisë Demokratike të Kosovës, Memli Krasniqi tha se është e jokushtetuese që dikush të mbajë post edhe ekzekutiv dhe legjislativ.
I ftuar në T7, Krasniqi po flet për dështimin e konstituimit të Kuvendit të Kosovës.
“Pra është e pamundur të jesh edhe kryeministër apo ministër edhe deputet në të njëjtën kohë, sepse Kushtetuta e ndalon një gjë të tillë. Përtej kësaj Ligji për Qeverinë, i miratuar nga qeveria në largim është edhe më eksplicit, ligj i keq. Sikur të kontestohej në Kushtetuese do të dilte jo kushtetues. Nuk e kemi dërguar sepse kemi pasur çështje më pritoritare siç e dini, po që I komplikon gjërat edhe më tutje, duke e specifikuar në mënyrë eksplicite se këtë s’munden me nejt as në zyrë.”, tha Krasniqi.
Krasniqi tha se dëshira e tyre është që sa më shpejt të kemi institucione.
Krasniqi tha se Kurti nuk mund ta bëjë shumicën e re parlamentare.
“Opinioni e ka parë pardje që z.Kurti i ka 52 deputetë. Nuk i ka pasur 61 deputetë. Arsyeja pse sot ka ndodhur një veprim joligjor, arbitrar është se z,Kurti nuk i ka numrat për një shumicë parlamentare.”, tha Krasniqi.
Po ashtu ai tha se kryesuesi i seancës, Avni Dehari nuk ka pasur kompetencë t’i thërras partitë politike për konsultim.
Ai tha se shkuan në konsultë për të treguar se nuk janë bllokues.
