Rozana Radi ka reaguar së fundmi në rrjetet sociale, pas përfundimit të spektaklit të shumëpërfolur Big Brother VIP Albania.
Në edicionin e këtij viti, fitues u shpall Gjesti, ndërsa Rozana u rendit në vendin e dytë, duke fituar zemrat e një audience të gjerë me prezencën e saj dhe emocionet që përcolli gjatë qëndrimit në shtëpi.
Pas finales së madhe, këngëtarja ka ndarë një postim emocionues në profilin e saj në Instagram, ku ka falënderuar publikun për mbështetjen dhe dashurinë që i dhuruan përgjatë gjithë këtij rrugëtimi.
“I përulem publikut për gjithë dashurinë dhe vlerësimin në këtë udhëtim fantastik jete! Finalja ishte e mbushur plot me emocione të bukura! Jam ende duke kërkuar mikrofonin në trup dhe gjumin nuk e kam bërë të plotë. Falënderoj @topchannelalbania që më bëri të shijoj një eksperiencë UNIKE!”, ka shkruar ajo.
