Një profesoreshë e Universitetit të Prizrenit “Ukshin Hoti” ka denoncuar një koleg të saj për kërcënim në Polici, raporton Gazeta “Enigma”.
Lajmin e ka konfirmuar zëdhënësi i Policisë për Rajonin e Prizrenit, Shaqir Bytyçi. “Ankuesja F/SH/K raporton rastin për një kërcenim nga kolegu i saj M/SH/K te cilët janë punonjës ne Universitetin e Prizrenit “Ukshin Hoti”. Patrulla policore u është përgjigjur rastit dhe te njëjtët viktimën e rastit e kane shoqëruar për në stacionin policor Prizren për intervistim”, deklaroi ai.
Tutje Bytyçi ka njoftuar se me rastin është informuar hetuesi kujdestar i cili ka informuar Prokurorin e shtetit dhe me urdhër te tij inicohet rast. Rasti dërgohet për hetime te mëtutjeshme.
