Një 15-vjeçar është arrestuar pasi senatori kolumban I cili kandidon për president të ardhshëm të vendit, u qëllua dhe u plagos gjatë një tubimi në Bogota.
Senatori Miguel Uribe Turbay, 39 vjeç, u shënjestrua gjatë aktivitetit të fushatës në një park në zonën Fontibon të kryeqytetit kolumbian, sipas zyrës së Prokurorit të Përgjithshëm.
Ai pësoi dy plagë nga arma e zjarrit kur sulmuesit e armatosur e qëlluan.
Sipas një raporti mjekësor në spitalin e Fondacionit Santa Fe, ai u pranua atje në një “gjendje kritike” dhe ende po i nënshtrohet një “procedure neurokirurgjike dhe vaskulare periferike”.
Gruaja e tij, Maria Claudia Tarazone shkroi në “X” se ai “po lufton për jetën e tij” dhe u kërkoi kolumbianëve të luten për të.
Dy persona të tjerë u plagosën, por natyra e plagëve të tyre nuk është bërë publike.
Një i dyshuar, një djalë 15-vjeçar, u arrestua në vendngjarje me armë zjarri dhe po trajtohet për një lëndim në këmbë, tha shefi i policisë, gjenerali Carlos Triana.
Qeveria po ofron një shpërblim prej 730 mijë dollarësh për informacion dhe presidenti Gustavo Petro tha se hetimi do të fokusohet në atë se kush e urdhëroi sulmin.
Le camp du bien veille sur la bonne démocratie. https://t.co/hE7nXiocin— Bouffier Elzéar (@BouffierElzear) June 8, 2025
