Justin Kluivert është zyrtarisht futbollist i Nices në kampionatin francez. Sulmuesi holandez, në pronësi të Romës, transferohet në klubin e Ligue 1 në formën e huazimit me të drejtën e blerjes.
22-vjeçari sezonin që lamë pas ishte i huazuar te Leipzigu në Bundesligë, por nuk arriti ta bindte Mourinhon për t’i ofruar një tjetër shans në formacionin verdhekuq.
Justin është djali i ish-sulmuesit të famshëm holandez, Patrick Kluivert. Ai u ble nga Roma në verë të vitit 2018 për 18.75 milionë euro, por nuk u përmbushi pritshmëritë në skuadrën e kryeqytetit italian, për rrjedhojë pas dy sezonesh me fanellën verdhekuqe, u huazua në Bundesligë.
???????? Welkom ????⚫️????#OGCNice #Mercato pic.twitter.com/Rg0dYvRESK— OGC Nice (@ogcnice) July 20, 2021
