Një aksident i rëndë ka ndodhur sot në Villadossola të Italisë, ku humbi jetën punëtori kosovar Pashtrik Krasniqi.
21-vjeçarin e mbyti kontakti me energji elektrike teksa po çmontonte një skelë në një ndërtesë.
Dyshohet se ai preku një kabllo të dëmtuar të energjisë elektrike e që rezultoi të ishte fatale për të, pasi as ndihma mjekësore nuk mundi ta shpëtonte.
Në vendngjarje ndërhynë karabinierët dhe inspektorët e sigurisë në punë.
